ზოგიერთი სტროფის გასაგებად მსოფლიო ისტორიის ცოდნაა საჭირო)

(ფრაზები,რომლებიც გამოჩენილმა ადამიანებმა სიკვდილის წინ ნამდვილად თქვეს)

ჟანა დარკმა სითბო იგრძნო,
თუმცა მწარედ გაეღიმა,
ცას ახედა,გაიფიქრა:
"წამოვიდეს ნეტავ წვიმა!"

პუშკინმა თქვა:"მომატყუეს,
აღარ მჯერა მე ფიცისო.
აბა ბანძი-გოიმია,
თოფის სროლა არ იცისო?!"

ჰოლმსმა ბრძანა:"მე ბრძოლას ვწყვეტ
და სიკვდილთან დავდე ზავი,
იქ დამმარხეთ,სადაც არის
დამარხული ძაღლის თავი.

დი კაბრიომ გაიფიქრა:
"კიდევ მინდა ვნახო მზეო,
მოდი ამ ქალს გადავაგდებ,
მე ავძვრები ფიცარზეო."

სიმწრისაგან კივის ბრუნო:
"მე ხომ არ მაქვს,მართლა ბედი,
გამიშვით და დედამიწა,
იყოს გინდაც ოთხკუთხედი."

მარატმა თქვა:"წყალი მიყვარს,
აღარ მაწევს გულზე ლოდი,
მანდ ვინ არის?დედა შენ ხარ?
ჩამიხეხე ზურგი მოდი!"

მერლინ მონრომ:"აღარ მოვწევ,
ნარკოტიკიც აღარ მინდა,
ეს რა შუქმა მომჭრა თვალი?!
უი...მთვარე ჩამოფრინდა."

შექსპირმა თქვა:"ჩემი სქესი,
მსურს სადავო გახდეს მერე,
პიესებზე ევას ნაცვლად,
ვილიამი დააწერე..."

კეისარმა:"მგონი მკლავენ,
ხმალს მირჭობენ ჩემი ძენი,
ეს ვინღაა,მგონი ვიცნობ,
შე-ენც ბრუტუს,უხ მე შენი...(დაცულია ცენზურა)
.......
(ფრაზები,რომლებიც გამოჩენილმა ადამიანებმა,სიკვდილის შემდეგ თქვეს)

ლენინმა თქვა:"რას მამწნილებთ,
რა ხალხი ხართ,სუფთა ზანტი,
ან დამმარხეთ,ან დამმალეთ,
გვამი ვარ თუ ექსპონანტი."

ჰიტლერმა თქვა:"გეფიცებით,
არ მომიკლავს ჩემით თავი,
ანალგინი მეგონა და
იყო თურმე საწამლავი"

ლენონმა თქვა:"აქაც ვბრწყინავთ,
არ შეგაწყენთ ჩვენ თვითქებით,
პოლ და რინგო დროზე მოდით,
რა ხანია გელოდებით."

რუსთაველმა ბავშვებს უთხრა:
"ვინც მაგინებს შტერიაო,
ეს პოემა მე სკოლისთვის,
კი არ დამიწერიაო"

და ვინჩმა თქვა:გვირაბში ვარ,
არ ჩამირტყეს არსად ვიზა,
ნეტავ ერთი რას იძიებთ?
კაცი იყო მონა ლიზა....

აქილევსმა:"რას მიგონებთ?
ქუსლი არა,ბაყვი კიდე,
ქათმის გრიპი შემეყარა
და იმითი დავიბრიდე!"...

ვანგამ:"ამ ლექსს რიღასთვის წერ?
გაჩერდი და მიგდე ყური,
დაიწვებით მალე,რადგან
დათბობაა გლობალური..."